15:51 / 15.11.2015
5123

Toshkentda lizing firmasi menejyeri mashina olayotgan mijozidan ming dollar tama qilgani uchun sudlandi

Toshkent shahridagi “Umida-Lizing” MChJda menejyer lavozimida ishlab kelgan Bekmurod Hakimov korruptsion jinoyatlarda ayblanib qo‘lga olindi. Bu haqda “Huquq” nashri xabar bermoqda.
Aytilishicha, MChJ o‘tgan yili “Sabina-savdo” firmasi bilan shartnoma tuzib, unga ko‘ra, lizing kompaniyasi ikkinchi tomonga Nexia avtomobilini olib berishi lozim edi.

Belgilangan tartibda “Sabina-savdo” MChJ avtomashinaning yarim pulini to‘lagan. Qolgani esa lizing shartnomasi asosida to‘lanishi lozim edi. Avtosalondan mashina olib kelinsa ham, uni egasiga berish muddati cho‘zilib ketgan, negaki avtotransportni aynan B. Hakimov shahar IIBBning YHXBdan o‘tkazib, keyin egasiga topshirishi kerak edi.

Ikkinchi tomon rahbari Nosirjon Mamatov unga uchrab, muammoning sababini so‘raganida, Hakimov ishni tezroq bitirish uchun mijozidan ming dollar so‘ragan.

Mamatov SVOJJDLQK departamentining shahar boshqarmasiga ariza bilan murojaat qilgan. Unga asosan departament xodimlari tomonidan o‘tkazilgan tadbirda B. Hakimov o‘zi talab qilgan pulni olayotgan vaqtda ashyoviy dalil bilan ushlangan.

Top