Rossiya aviakompaniyalariga 47 mamlakatga uyushtiriladigan parvozlar chog‘ida xavfsizlik choralarini kuchaytirish tavsiya etildi

Rossiya aviakompaniyalariga 47 mamlakatga uyushtiriladigan parvozlar chog‘ida xavfsizlik choralarini kuchaytirish tavsiya etildi. Bular orasida AQSh hamda YeIga a'zo ayrim davlatlar bor. Bunday tavsiyalar haqidagi ma'lumot “Interfaks” agentligiga o‘z manbalari orqali xabar qilindi.

Aytilishicha, tavsiyalar tranzit, doimiy va charter reyslarga daxldordir. Jumladan, aviakompaniyalar o‘z kuchlari bilan texnik ko‘riklarni amalga oshirish taklif qilingan.
Shuningdek, Rossiya aeroportlarida bortga qabul qilingan oziq-ovqat va ichimlik suvi zaxiralariga ega bo‘lish tavsiya etildi.