AQSh vakillar palatasi Suriyadan muhojirlarni qabul qilish qoidalarining kuchaytirilishiga ovoz berdi

AQSh vakillar palatasi suriyalik va iroqlik muhojirlarning AQShga kirishini cheklovchi qonun loyihasini ma'qulladi, deb xabar berdi Reuters axborot agentligi.

Qonun loyihasiga 289 nafar kongressmen ovoz berdi, 137 nafari qarshi chiqdi.

Avvalroq Parijda sodir etilgan teraktlarga qaramasdan, AQSh prezidenti Barak Obama suriyalik muhojirlarning AQShga ko‘chib o‘tishiga imkon beruvchi o‘z rejasini qayta ko‘rib chiqishni rejalashtirmayotgani ma'lum qilingandi.

AQShlik respublikachilar muhojirlar borasida qat'iy fikr bildirmoqdalar. Alabama shtatidan bo‘lgan gubernator-respublikachi Robert Bentli Parijdagi teraktlardan keyin suriyalik muhojirlarni qabul qilmasligini aytdi.