Xitoyda jonivorlarni klonlashtiradigan yirik ferma ishga tushadi

Tyantszin iqtisodiy va texnik taraqqiyot zonasi boshqaruv qo‘mitasi hamda Sinica kompaniyasi strategik hamkorlik to‘g‘risida kelishuvga erishdi. Mazkur bitim doirasida tomonlar yuqori standartlar bo‘yicha jonivorlarni klonlashtiradigan dunyodagi ilk laboratoriya qurilishi borasida hamkorlik qilishga kelishib olishdi. Bu haqda “Jenmin jibao” xabar bermoqda.

Fermalardan tashqari, kompaniya diversifikatsiyalangan (ishlab chiqarish sohasini yangi mahsulotlar qo‘shish hisobiga kengaytirish) genetik resurslar saqlanadigan joy va ilmiy-ta'limiy ko‘rgazma markazini qurishni ham rejalashtirgan.

Qayd etilishicha, klonlar ishlab chiqarish bo‘yicha fabrika faoliyati Janubiy Koreyaning Sooam Biotech instituti bilan hamkorlikda amalga oshiriladi. Sinica kompaniyasi esa Boyalife Group xoldingi sho‘'basi hisoblanadi. Boyalife Group va Sooam Biotech qo‘shma korxonasi butun dunyodagi mijozlariga 550 bosh kuchuk-klonni taqdim etib ulgurdi.