Bugun AQSh milliy xavfsizlik agentligining SSSRga axborot yetkazgan sobiq xodimi Ronald Pelton 29 yillik qamoq jazosidan so‘ng ozodlikka chiqadi. Bu haqda Amerikalik olimlar federatsiyasi xabar berdi.
“Agentlikning 1986 yilda Sovet Ittifoqi foydasiga ayg‘oqchilik uchun sudlangan aloqa bo‘yicha mutaxassisi 24 noyabr kuni ozodlikka chiqadi”, - deyiladi nodavlat tashkilot xabarnomasida.
Pelton 1986 yilda Moskvaga AQSh sirlarini sotgani uchun uchta umrbod va yana 10 yillik qamoq jazosiga va 100 dollar jarimaga hukm qilingan edi.
“U 10 yildan so‘ng muddatidan oldin ozod qilinish huquqiga ega bo‘lishi mumkin edi, lekin buning o‘rniga deyarli 30 yil qamoqda qoldi”, - dedi federatsiya vakillari.
74 yoshli Pelton nima sabab bilan ozod qilingani oshkor qilinmayapti.