Rossiya mudofaa vazirligi Su-24 uchuvchilaridan biri o‘limini rasman tasdiqladi

Rossiya mudofaa vazirligi Turkiya qiruvchi samolyoti tomonidan urib tushirilgan Su-24 samolyotining uchuvchilaridan biri halok bo‘lganini rasman tasdiqladi.

Vazirlik tomonidan Su-24 samolyoti Turkiya bilan chegaradan 4 km ichkarida qulagani haqida aytilgan.

Samolyot qulashidan oldin uchuvchilar uni katapulta yordamida tark etgan, biroq uchuvchilarga yerdan turib turkman jangchilari tomonidan o‘quzilishi tufayli ulardan biri havodaligidayoq halok bo‘lgan.

Ikkinchi uchuvchining taqdiri hozircha noma'lumligicha qolmoqda.

Biroz oldinroq, OAVlar Su-24 samolyotining ikkinchi uchuvchisi suriyalik harbiylar tomonidan qutqarilgani haqida xabar tarqatgandi.

Dastlab, ayrim OAVlarda samolyotning har ikki uchuvchisi halok bo‘lgani haqida xabar berilgan, lekin bu ma'lumotlar rasman tasdiqlanmagandi.

So‘ng Suriya muxolifati uchuvchilardan birining tanasini hukumat qamog‘ida bo‘lgan vakillaridan biriga almashtirmoqchi bo‘lgani xabar qilingandi.

Shuningdek, Suriyadagi turkmanlar guruhi vakili uchuvchilarning yerga tushgach, otib tashlangani haqida ma'lumot bergan.

Keyinroq, turkmanlar Su-24 samolyotining katapulta qilgan uchuvchilariga havodaligidayoq o‘t ochishgani videosi paydo bo‘ldi.

Eslatib o‘tamiz, 24 noyabr kuni tongda Turkiya—Suriya chegarasida Suriyadagi harbiy operatsiyada ishtirok etayotgan Rossiyaning Su-24 samolyoti urib tushirildi. Turkiyaning ta'kidlashicha, samolyot mamlakat havo kengliklarini buzib o‘tgan.

Rossiya Mudofaa vazirligining qayd etishicha, Rossiya samolyoti Turkiya hududiga kirmagan.