Farg‘onada qalloblar uy sotib olmoqchi bo‘lgan keksa ayolning 8 ming dollar pulini olib qo‘ydi

Farg‘onada qalloblar uy sotib olmoqchi bo‘lgan keksa ayolning 8 ming dollar pulini olib qo‘ydi. Bu haqda “Na postu” gazetasi xabar bermoqda.

Aytilishicha, Andijon viloyatining Marhamat tumanida istiqomat qiluvchi D. Burxonova ko‘p qavatli uylardan birida xonadon xarid qilish maqsadida Farg‘ona shahriga tashrif buyurgan. Bu yerda Kamol ismli qallob o‘z sheriklari bilan ayolni aldab, o‘zlariga tegishli bo‘lmagan uyni ko‘rsatishgan va uning evaziga 8 ming dollar pul olishgan.
Uy B. Ahmedov ismli boshqa bir erkakka tegishli bo‘lib chiqqan.

Ahmedov va Burxonova, aldanganlarini tushunib, IIBga murojaat qilishgan.
Qalloblar tez orada qo‘lga olinib, javobgarlikka tortilgan. Moddiy qimmatliklar va pullar esa egalariga qaytarilgan.