Nigeriya sohillarida Polsha savdo kemasi qo‘lga olindi. Bu haqda «Radio Polsha» nashri xabar tarqatmoqda.
«Sapfir» yuk kemasi 16 nafar polshalik dengizchilar bilan birgalikda Antverpendan Nigeriyaning Anna portiga yuk olib kelayotgan bo‘lgan. 27 noyabrga o‘tar kechasi kema Kipr bayrog‘ini o‘rnatib olgan qaroqchi kema tomonidan garovga olingan.
Nigeriya hukumatining qayd etishicha, mamlakat harbiy-dengiz kuchlari mazkur kemani qutqarib olishga yo‘naltirilgan.
Ma'lumot o‘rnida ta'kidlab o‘tish joiz, Nigeriyada qaroqchilar tomonidan kemalarni garovga olinishi tez-tez uchrab turadi. Joriy yilning fevral oyida ular Gretsiyaning neft tankerini qo‘lga olishgandi.