Qirg‘izistonda savdo solig‘idan bosqichma-bosqich voz kechiladi

Qirg‘iziston hukumati savdo solig‘idan bosqichma-bosqich voz kechishga qaror qildi. Bu haqda mamlakat bosh vaziri Temir Sariyev bayonot berdi.

Uning so‘zlariga qaraganda, yaqin vaqt ichida mamlakatda iqtisodiyot dollarizatsiyasi darajasini tushirish borasida choralar ko‘riladi. Buning uchun eksportni rivojlantirish dasturini amalga oshirishga alohida e'tibor qaratiladi. Jumladan, Yevrosiyo iqtisodiy ittifoqi hududidagi mamlakatlarda talab bo‘lgan mahsulotlar ishlab chiqarishni ko‘paytirish rejalashtirilmoqda.

Bunday ishlab chiqarishlarni rivojlantirish uchun esa, o‘z navbatida, savdo-sotiq va sanoat sohasiga imtiyozlar berish talab qilinadi. Yuqoridagi tashabbus aynan shuning mevasidir.