Vardi APLning 11 o‘yinida ketma-ket to‘p urib van Nistelroy rekordini yangiladi

“Lester” hujumchisi Jyeymi Vardi Angliya chempionatining 14-turida “Manchester Yunayted” bilan uchrashuvda hisobni ochdi.

28 yoshli futbolchi uchrashuvning 24-daqiqasida jamoadoshi Kristian Fuksning uzatmasidan keyin raqib darvozasini ishg‘ol etdi.

Shu tariqa Vardi APLning 11 o‘yinida ketma-ket to‘p urib, “MYu”ning sobiq hujumchisi Rud van Nistelroy rekordini yangiladi.

Futbolchi joriy mavsumda hozircha o‘z hisobiga 14 ta to‘p yozib qo‘ydi. Uning golli seriyasi 29 avgustdagi “Bornmut”ga (1:1) qarshi uchrashuvdan beri davom etib kelmoqda.