Angliyaning «Manchester Siti» klubiga egalik qiluvchi City Football Group konserni Xitoyning China Media Capital xolding kompaniyasi bilan hamkorlikni yo‘lga qo‘ygani haqida xabar berdi. Bu haqda ingliz klubi rasmiy saytida ma'lumot berilgan.
Manbada yozilishicha, CMC Holdings CFG ning 13 foizdan sal ko‘proq aksiyalarini 400 million dollar evaziga xarid qilgan. Hamkorlik bo‘yicha muzokaralar yarim davom etgan.
Xabar qilinishicha, City Football Group mazkur kelishuvdan tushgan mablag‘ni kompaniyaning Xitoydagi va xalqaro bozordagi rivoji uchun sarflaydi. Shuningdek infrastruktura aktivlarini rivojlantirish uchun ham ma'lum miqdorda mablag‘ ajratiladi.
Ma'lumot o‘rnida ta'kidlab o‘tish joiz, City Football Group «Manchester Siti», «Melburn Siti» (Avstraliya), «Nyu-York Siti» (SShA) va «Yokogama F Marinos» (Yaponiya) jamoalariga egalik qiluvchi konsern sanaladi.