Hindiston janubidagi Taminadu shtatidagi suv toshqinlari tufayli halok bo‘lganlar soni 188 nafarni tashkil etmoqda. Bu haqda Firstpost nashri xabar tarqatgan.
Bundan avvalgi xabarda 176 kishining o‘limi qayd etilgani xabar qilingandi.
Chennai shahrida bu tabiat hodisasi tufayli aeroport yopib qo‘yilgan. Shahardagi maktab va kollejlar 10 kundirki, faoliyat ko‘rsatayotgani yo‘q. Oliy ta'lim muassasalarida imtihonlar bekor qilingan.
Yog‘ingarchiliklar miqdori so‘nggi bir necha kun ichida kamayganiga qaramasdan, Chennai va Kuddaloraning ayrim hududlari hamon suv ostida qolmoqda.
Taminadudagi Tiruvallur, Kanchipur va Puducherri tumanlarida ham talofatlar jiddiy. Shtat bosh vaziri Jayar Jayalalitha aholini xavfsiz hududlarga joylashtirish bo‘yicha ko‘rsatma bergan.
Qayd etilishicha, ayni vaqtda kuzatilayotgan yomg‘irlar 100 yil ichidagi eng talofatlisi bo‘ldi. Qutqaruv ishlariga armiya va mamlakat Harbiy havo kuchlariga tegishli vertolyotlar jalb qilingan.