Kaliforniyada noma'lum shaxslar otishma uyushtirib, 14 kishini o‘ldirishdi

3 dekabrga o‘tar kechasi Kaliforniya shtatining San-Bernardino shaharchasida (Los-Anjyeles yaqinida) noma'lum shaxslar jismoniy imkoniyati cheklangan kishilar uchun markaz hududiga bostirib kirib, tartibsiz ravishda o‘t ochishgan. NBC telekanalining politsiyaga asoslanib xabar berishicha, bu otishma natijasida 14 kishi halok bo‘lgan.

Shuningdek, kamida 17 kishi tan jarohati olgani aytilgan.

Dastlabki ma'lumotlarda hujum qiluvchi guruh 3 kishidan iborat bo‘lgani, ular ishni bajargach, GMC Yukon rusumli qora rangli mashinada voqea joyini tark etishgani aytilgan.