Belgrad shahrida (Serbiya) Yevropada xavfsizlik va hamkorlik tashkiloti (YeXHT) Tashqi ishlar vazirlari kengashi majlisi ishtirokchilari terrorizmga qarshi kurashga oid bir qator hujjatlarni imzoladi. Bu haqda YeXHT raisi, Serbiya Tashqi ishlar vaziri Ivits Dachich YeXHT Tashqi ishlar vazirlari kengashi majlisi yakunlariga bag‘ishlangan matbuot anjumanida ma'lum qildi.
“57 a'zosi bo‘lgan YeXHT singari tashkilotlar uchun gohida bir to‘xtamga kelish qiyin kechadi, – dedi u. – Biroq biz bo‘linishlar va qutblanishlarga qaramasdan biz bir qator muhim qarorlar, jumladan, terrorizm, narkotrafik, terrorizmga eltadigan zo‘ravonlik ekstremizmiga qarshi kurash, yoshlar va xavfsizlik masalalari, shuningdek, "5+2" formatidagi Dnestr muzokaralari bo‘yicha hamkorlikdagi bayonotni qabul qilishga erishdik”.
Yakuniy hujjatlar bo‘yicha ovoz berish yopiq tartibda o‘tkazildi. YeXHT Tashqi ishlar vazirlari kengashi majlisida muhokama uchun jami bo‘lib o‘ndan ziyod hujjat loyihasi taqdim etildi.