Fransiya TIV rahbari Asadni vaqtincha hukumat tepasida qoldirish mumkinligini bildirdi

Fransiya Tashqi ishlar vaziri Loran Fabiusning ma'lum qilishicha, fransuzlar Bashar Asadni Suriyada yangi muvaqqat hukumat tayinlanguniga qadar bu mamlakat rahbari sifatida tan oladi. Bu haqda La Informacion xabar qilgan.

"Suriyaning birlashuvi o‘tish davri hukumatini nazarda tutadi. Bu Asad o‘tish davri hukumatigacha ketishi kerak, degani emas", degan u.

Bundan avvalroq, Loran Fabius IShIDga qarshi kurashda Suriya armiyasi bilan hamkorlik hukumat qonuniy ravishda siyosiy o‘zgarishga uchragan taqdirdagina mumkinligini aytib o‘tgandi.