AQSh va Afg‘oniston harbiylari Afg‘onistonda “Tolibon” radikal harakati jangarilari tomonidan asirga olingan kamida 40 kishini ozod etish bo‘yicha birgalikdagi operatsiyani o‘tkazishdi. Bu haqda NBC telekanali ma'lum qildi.
Telekanal ma'lumotlariga ko‘ra, operatsiya Afg‘onistonning janubidagi G‘ilmon viloyatida AQSh harbiy aviatsiyasi tomonidan ko‘rsatilgan qo‘llab-quvvatlov yordamida Afg‘onistonning quruqlikdagi maxsus kuchlari tomonidan o‘tkazildi. Ozod qilinganlar orasida Afg‘oniston xavfsizlik xizmati xodimlari va fuqarolar bor bo‘lgan.
Telekanalning ko‘rsatishicha, AQSh ma'lumotlariga ko‘ra, operatsiya davomida kamida 40 kishini ozod qilishga muvaffaq bo‘lingan. Bu orada Afg‘oniston Qurolli kuchlari vakillarining aytishicha, ozod qilinganlar soni 60 kishigachani tashkil qiladi. Ularga tibbiy yordam ko‘rsatilgan.