Turk harbiylari Iroqning shimolidagi Mosul shahri atrofidagi (IShIDning Iroqda bosib olgan eng yirik shahri) o‘quv-mashg‘ulot lagerida harbiy mashg‘ulotlar o‘tkazishni boshlagan. Bu haqda Turkiya milliy xavfsizlik xizmatidagi o‘z manbasiga asoslanib, Reyter agentligi xabar bergan.
Manba Mosulga kelgan harbiylar soniga aniqlik kiritmagan, lekin bu muntazam qo‘shin ekanini bildirib o‘tgan.
Boshqa bir yuqori martabali amaldorning aytishicha, bu mashg‘ulot IShIDga qarshi kurashning bir qismi hisoblanadi. U turkiyalik harbiy mutaxassislar kurdlarning peshmurg‘ urug‘i vakillarini harbiy harakatlarga o‘rgatishini aytgan.
Qayd etish kerakki, Mosulni IShID jangarilari o‘tgan yilning iyulida bosib olgandi va Iroqdagi markaziga aylantirgandi. Iroq bu shaharni qaytarib olish uchun bir necha marta harakat qilgan lekin ichki nizolar tufayli bunga erisha olmagan.
Biroz oldinroq, AQSh tomoni Iroq hududiga faqat rasmiy Bag‘dodning roziligini olibgina kirishini ma'lum qilgandi.