London shahri meri Boris Jonsonning aytishicha, Suriyada bombalash ishlarini olib borish kerakli natijalarni keltirmayapti.
"IShIDni butkul mag‘lub qilish uchun alohida bo‘lib harakatlanishni to‘xtatish kerak", deb yozadi mer o‘zining The Telegraph gazetasidagi kolonkasida.
U Buyuk Britaniya Suriyadagi harakatlari rejasini aniqlashtirib olishi va Yaqin Sharqda aksilterror koalitsiya tuzilishi kerakligini ta'kidlagan.
Uning hisoblashicha, bu koalitsiya tarkibidan albatta Rossiya hamda Bashar Asad ham joy olishi kerak. Mer Rossiya va suriyaliklar ishtirokisiz IShIDni yengib bo‘lmasligini bildirgan.
O‘z navbatida Boris Jonson o‘zini Putin tarafdori sifatida atamasligini, Putinni tiran deb bilmasligini qo‘shimcha qilib o‘tgan.
"Putin uchun yaxshi bo‘lishi, G‘arb uchun yomon degani emas", deydi u.
London merining ishonch bilan yozishicha, ayni vaqtda G‘arb IShIDga qarshi kurash olib borish bilan birga Putinning bu mintaqadagi o‘rni mustahkamlanmasligini ta'minlashga ham urinmoqda.
Biroz oldinroq, xalqaro koalitsiya samolyotlari yanglishib, Suriya armiyasining Deyr az-Zavr viloyatidagi bo‘linmalariga zarba bergani haqida ma'lumot paydo bo‘lgandi.