Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Сурия ўз армияси халқаро коалиция самолётлари томонидан ўққа тутилгани ҳақида БМТ ХКни хабардор қилди
16:42 / 07.12.2015
5277

Сурия ТИВ БМТ хавфсизлик кенгашига АҚШ бошчилигидаги халқаро коалиция самолётлари томонидан суриялик ҳарбийлар жойлашган базаларга ракета зарбалари йўллангани ҳақида норозилик нотаси жўнатди. Бу ҳақда SANA ахборот агентлиги ҳукуматдаги ўз манбасига асосланиб, хабар тарқатган.

Маълум қилинишича, Дайр аз-Завр вилоятида содир бўлган бу ҳодиса вақтида коалициянинг 4та самолётидан 9та ракета йўлланган ва натижада 3 киши ҳалок бўлиб, 13 киши жароҳатланган.

Шунингдек, 3та зирхли машина йўқ қилиниб, қурол ва ўқ-дори омборлари вайрон бўлган.

"Сурия Араб республикаси коалиция томонидан содир этилган бу ҳужум БМТ Уставига зид эканини эслатади ва ташкилотда бу аянчли хатони муҳокама этишни сўрайди", дейилади Сурия ТИВ мурожаатида.

Эслатиб ўтамиз, бугун халқаро коалиция самолётлари янглишиб, Сурия армиясининг Дейр аз-Завр вилоятидаги бўлинмаларига зарба берганди.

Ундан олдинроқ, АҚШ Давлат котиби Жон Керри халқаро коалиция кучлари ИШИДга қарши амалиётлар кўламини кенгайтириши ҳақида маълум қилганди.


Улашинг
  • Теглар:
Top