00:00 / 08.12.2015
5365

Venalik kishi Dunay daryosida oqayotgan 100 ming yevro pulni tutib oldi

Avstriya poytaxti Venada politsiya Dunay daryosida 100 ming yevrodan ko‘proq pul oqib ketayotganini aniqladi.

Ta'kidlanishicha, pullarni birinchi bo‘lib shaharda yashovchi bir erkak aniqlagan va ularning ortidan o‘zini suvga tashlagan. Voqea guvohlari uni o‘z joniga qasd qilmoqchi deb o‘ylab, politsiyani chaqirtirishgan.

Politsiyachilar erkak suvdan 100 va 500 yevro qiymatdagi pullarni tutib olgan paytda yetib kelishdi.

Avstriya qonunlariga ko‘ra, pul topib olib, uni politsiyaga topshirgan odam topilgan pulning umumiy miqdoridan 5 foizdan 10 foizgachasini oladi.

Politsiya vakili Roman Xaslingerning aytishicha, bunday katta miqdordagi pul o‘g‘irlangani yoki u bilan bog‘liq boshqa jinoyat sodir etilgani haqida hech qanday ma'lumot olinmagan.

Top