“Qozog‘iston-Xitoy” gaz quvurining o‘tkazish quvvati yiliga 55 mlrd kubometrga yetkaziladi

“Qozog‘iston-Xitoy” gaz quvurining o‘tkazish quvvati yiliga 55 mlrd kubometrga yetkaziladi. Ayni paytda bu ko‘rsatkich yiliga 30 mlrd kubometrni tashkil qilmoqda.

Bu haqda 7 dekabr kuni Qozog‘iston prezidenti huzuridagi Markaziy kommunikatsiyalar xizmatida bo‘lib o‘tgan “Gaz uzatishning yangi yo‘nalishlari” mavzuidagi brifing chog‘ida aytilgan.
Tadbirda hisobot bilan chiqqan energetika vazirining o‘rinbosari Mag‘zum Mirzag‘aliyev bir hafta muqaddam Olmaota viloyatining Jambul tumanida gaz quvurining uchinchi “S” chizig‘i hamda ikkita kompressor stansiyalari ishga tushirilganini ma'lum qildi.

Shu bilan birga, qurilayotgan yana 6ta kompressor stansiyasi 2017 yilda tayyor bo‘ladi, shundan so‘ng “S” chizig‘ining samaradorligi yiliga 25 mlrd kubometrni tashkil qila boshlaydi. Natijada gaz quvurining umumiy quvvati bugungi 30 mlrd kubometrdan 2017 yilda 55 mlrd kubometrni tashkil eta boshlaydi.