Pentagon nima uchun Ukrainaga eskirgan qurollar yetkazib berilayotganini izohladi

AQSh tomonidan Ukrainaga yetkazib berilayotgan qurol-yarog‘ va uskunalarning bir qismi eskirgan bo‘lishi mumkin, lekin Vashington Kiyevga asosan yangi namunalarni taqdim etmoqda. Bu haqda AQShning Yevropadagi quruqlik qo‘shinlari qo‘mondoni general-leytenant Ben Xojyes ma'lum qildi.

“Ehtimol, tezkor tartibda yetkazilgan (Ukrainaga) qurol-yarog‘ va uskunalar eski bo‘lishi mumkin, men bilmayman, - dedi Xojyes. Ayni paytda, general zirhli kamzullar, bosh kiyimlar, tibbiy va boshqa aslahalar, jumladan, artilleriya radarlari yangi yoki “amaliy jihatdan yangi” ekanligini ta'kidlab o‘tdi.

Dekabr oyi avvalida The Washington Post nashri AQSh Ukrainaga yetkazib bergan uchmaydigan qurollarning bir qismi haqiqiy “metallolom” bo‘lib, foydalanishga yaroqsiz ekanini ma'lum qilgan edi. Jumladan, ukrain maxsus xizmatlariga yetkazilgan bir necha “Xammer” yo‘l tanlamaslari foydalanilmasdanoq ishdan chiqqani yozilgandi. Bundan tashqari, AQSh armiyasi 2000- yillar o‘rtalarida foydalangan zirhli kamzullarni yetkazib bergan.