Peterburgdagi Bosch-Siemens zavodi Turkiyadan detallar kelmayotgani sababli o‘z ishini to‘xtatdi

Peterburgdagi Bosch-Siemens zavodi Turkiyadan butlovchi qismlar kelmayotgani sababli muzlatgich va kir yuvish mashinalari ishlab chiqarishni to‘xtatdi, deb xabar bermoqda manbalarga iqtibos keltirgan holda RBK nashri.

Ma'lum qilinishicha, butlovchi qismlar ortilgan konteynerlar 23 noyabrdan bojxonada turibdi. Zavod kir yuvish mashinalari ishlab chiqarishni dekabr boshidan to‘xtatdi. 14 dekarbdan muzlatgichlar ishlab chiqarilishi to‘xtatiladi.

Sankt-Peterburgning sanoat siyosati va innovatsiyalar bo‘yicha qo‘mitasi raisi Maksim Meyksin bu ma'lumotni tasdiqladi.

“Kir yuvish mashinalari ishlab chiqaruvchi Bosch-Siemens zavodi 9 dekabrdan to‘xtatildi, Bugun muzlatgichlar ishlab chiqarish zavodi o‘zining oxirgi smenasini ishlamoqda”, deb aytdi Meyksin.

Avvalroq Peterburg avtomobilsozlik sanoati Turkiya bilan bog‘liq vaziyat tufayli yopilish xavfi ostida turgani ma'lum qilingandi.

Bu vaziyat Rossiya tomonidan Turkiyaga iqtisodiy taqiqlovlarning kiritilishi bilan bog‘liq bo‘lmoqda.