APL, 16-tur: “Liverpul” “Vest Bromvich” bilan durang o‘ynadi, “Tottenxem” o‘z maydonida “Nyukasl”ga yutqazdi

“Liverpul” Angliya chempionatining 16-turida o‘z maydonida “Vest Bromvich” bilan durang natija qayd qildi. Uchrashuv 2:2 hisobida yakunlandi. Mersisaydliklar uchrashuvning 21-daqiqasida Jordan Xenderson goli evaziga hisobda oldinga chiqib olishdi, biroq mehmonlar Kreyg Dousonning goli evaziga 1-bo‘limning o‘zida hisobni tenglashtirishdi. 2-bo‘limda Yunas Olsson “Vest Bromvich” uchun 2-to‘pni urdi, biroq uchrashuvga qo‘shib berilgan qo‘shimcha vaqtning 6-daqiqasida Divok Origining to‘pi evaziga liverpulliklar mag‘lubiyatdan qochishga muvaffaq bo‘lishdi.

Angliya Premer-ligasi. 16- tur

Liverpul – Vest Bromvich Albion – 2:2
Gollar: Xenderson, 21 (1:0); Douson, 30 (1:1); Olsson, 73 (1:2); Origi, 90+6 (2:2).

Turning yana bir uchrashuvida “Tottenxem” o‘z maydonida “Nyukasl”ga 1:2 hisobida imkoniyatni boy berdi. Londonliklar safida to‘pni Dayyer (39-daq.), mehmonlar safida esa Mitrovich (74-daq.) va Peres (93-daq.) kiritdilar.

Tottenxem Xotspur – Nyukasl Yunayted – 1:2
Gollar: Dayyer, 39 (1:0); Mitrovich, 74 (1:1); Peres, 90+3 (1:2).