Berluskoni Mixaylovichga keyingi 2 o‘yindan 6 ochko olish vazifasini yukladi

Italiyaning «Milan» klubi bosh murabbiyi Sinisha Mixaylovich iste'foga chiqarilishi mumkin. Bu haqda Football Italia nashri xabar tarqatdi.

Manbaning yozishicha, milanliklar prezidenti Silvio Berluskoni serbiyalik mutaxassis oldiga 2015 yilning qolgan ikkita o‘yinida 6 ochko jamg‘arish vazifasi qo‘yilgan. So‘nggi ikki turda jamoa «Sampdoriya» va «Frozinone» klublariga qarshi maydonga chiqadi.

Agar Mixaylovich klubni tark etadigan taqdirda uning o‘rniga Luchano Spalletti, Kristian Brokki, Mauro Tassotti, Franchesko Gvidolin va Cherzare Prandellidan biri boshqarishi mumkin.

Oldinroq Mixaylovichga 4ta uchrashuvda 12 ochko jamg‘arish vazifasi qo‘yilgandi. Biroq «Milan» «Karpi» va «Verona» bilan durang o‘ynadi.