Kaliforniyadagi masjidga noma'lum shaxslar o‘yinchoq granata uloqtirishdi

Noma'lum jinoyatchilar AQShning Kaliforniya shtati janubidagi Haftorn shaharchasida joylashgan masjidga o‘yinchoq granata tashlab ketishdi. Shuningdek, bu masjidning tashqi devoriga "Iusis" yozuvi bitib ketilgan.

AVS nashri xabariga ko‘ra, masjid hududidan o‘yinchoq granata topilgach, masjid ichidagilar evakuatsiya qilingan hamda sapyorlar chaqirilgan.

Shuningdek, shahardagi yana bir masjid devorida shunday yozuv aniqlangan.

Ayni vaqtda hodisa tafsilotlari o‘rganilmoqda.

Politsiya bu holatlarda nafrat jinoyatlari alomatlarini qayd etgan.

Bundan oldinroq, Kaliforniyada masjidga o‘t qo‘yishda gumon qilingan shaxs qo‘lga olingani haqida xabar berilgandi.

Kalifoniyada istiqomat qiluvchi musulmonlar jurnalistlarga oxirgi vaqtlarda, xususan San-Bernardinodagi ommaviy qotillik voqeasidan keyin tahdid xavfi ostida qolishganini aytishgan.

Eslatib o‘tamiz, 2 dekabr kuni Palm-Springsdan 120 km masofadagi San-Bernardino shahridagi nogironlarni himoya qilish markazida shu markaz xodimi Sayd Rizvan Faruq va uning rafiqasi Tashfen Malik otishma sodir etgan hamda 14 kishini o‘ldirib, 21 kishini jarohatlashgandi.