“Koloradolik otuvchi” yana boshqa qamoqxonaga olib o‘tildi

Kolorado shtatining Avrora shahridagi kinoteatrda otishma uyushtirgan hamda 12 kishining umriga zomin bo‘lgan Jyeyms Xolms ruhiy kasalliklar shifoxonasi bilan hamkorlikda ishlaydigan Pueblodagi San-Karlos qamoqxonasiga olib o‘tildi. Bu haqda Associated Press xabar bermoqda.

Axloq tuzatish departamenti matbuot kotibi Adrianna Yakobsonning fikricha, ko‘chirilish Xolmsning ruhiy jarayoni bilan to‘g‘ridan-to‘g‘ri aloqada emas. Uning aniqlik kiritishicha, mahbuslarni tez-tez boshqa qamoqxonalarga olib o‘tib turishadi.
Sud ekspertizasi erkakdan shizofreniyaning alomatini aniqlagan, shu bois u otishmani ongsiz ravishda amalga oshirgan deb hisoblagan edi.