O‘zbekiston olimpiya terma jamoasi Yaponiya bilan durang o‘ynadi

Samvel Babayan boshchiligidagi O‘zbekiston olimpiya terma jamoasi 2016 yilning yanvar oyida bo‘lib o‘tadigan Osiyo chempionatiga tayyorgarlik doirasida Yaponiya olimpiyachilari bilan nazorat uchrashuvi o‘tkazdi.

Dubaydagi yig‘inlar doirasida o‘tkazilgan navbatdagi o‘rtoqlik uchrashuvi durang natija bilan yakun topdi. O‘yinda hisob ochilmadi — 0:0

Eslatib o‘tamiz, O‘zbekiston olimpiya terma jamoasi 12–30 yanvar kunlari Qatarda bo‘lib o‘tadigan Osiyo chempionatiga tayyorgarlik ko‘rmoqda. Turnirning guruh bosqichida O‘zbekistonga Iroq, Janubiy Koreya hamda Yaman olimpiya terma jamoalari raqib bo‘ladi.

Nazorat uchrashuvi

Yaponiya U22 – O‘zbekiston U22 0:0

O‘zbekiston olimpiya terma jamoasi tarkibi: Asilbek Omonov (Abdumavlon Abdujalilov, 46), Javlon Mirabdullayev, Maksimilian Fomin, Muhsin Ubaydullayev, Abdulloh Olimov, Otabek Shukurov, Jahongir Abdumo‘minov (Doniyor Ismoilov, 35), Eldor Shomurodov (Jamshid Boltaboyev, 70), Jalol Masharipov (Jasur Hakimov, 75), Dostonbek Hamdamov (Abbos Maxstaliyev, 80), Igor Sergeyev (Temur Hakimov, 75).