Tailand qiroli Pxumipon Adulyadet sog‘ligi yomonlashgani haqidagi mish-mishlar tarqaganidan uzoq tanaffus o‘tib, yana televideniye orqali ko‘rinish berdi. Bu haqda Associated Press axborot agentligi xabar tarqatmoqda.
Mahalliy televideniyening asosiy telekanalidagi kechki yangiliklar dasturi paytida qirol kichik syujyetli lavhada ko‘rinish bergan.
Pxumipon dushanba kuni Bangkokdagi shifoxonalardan birida sudyalarning qasamyodini qabul qilgan. So‘nggi 6 yil davomida u umrining aksar qismini aynan shifoxonalarda o‘tkazmoqda.
Eslatib o‘tamiz, oldinroq, Tailand qirolligi qirolning sog‘lig‘i bilan bog‘liq muammolar borligini ma'lum qilgandi. Unga bosh miyada suv yig‘ilishi tashxisi qo‘yilgan.