Perudagi antimonopol regulyatori shaxsiy gigiyena vositalari ishlab chiqarish bilan shug‘ullanadigan Kimberly-Clark kompaniyasini sohadagi raqobatchilari bilan kelishgan holda narxlarni oshirgani uchun ayblab, kompaniyaga sanksiyalar qo‘llashni rejalashtirmoqda.
Manbaning yozishicha, kompaniya hojatxona qog‘ozlari narxini oshirish uchun Chilidagi CMPC kompaniyasi bilan kelishuv tuzgan. Ikki kompaniya o‘rtasida maxfiy uchrashuvlar va telefon muloqotlari o‘tkazilgani aytilmoqda.
Ma'lum qilinishicha, kompaniyalar kelishgan holda 2005 yildan 2014 yilgacha Peruda hojatxona qog‘ozlari narxini kamida 20 foizgacha oshirishgan.
Antimonopol kompaniyaning bildirishicha, bunday maxfiy kelishuvlar haqida CMPC vakili ma'lumot bergan. Endilikda Kimberly-Clark kompaniyasining Perudagi daromadlaridan 12 foizi jarima sifatida olib qolinishi mumkin.
Kimberly-Clark va CMPC kompaniyalari Peruda shaxsiy gigiyena vositalari bozorining 88 foizlik qismiga egalik qiladi.
Kimberly-Clark kompaniyasi vakili hukumat bilan hamkorlik qilinishida davom etilishini ma'lum qilgan va boshqa savollarga javob bermagan.