Braziliya uyali aloqa operatorlari 16 dekabrda 48 soatga WhatsApp dasturiga kirishni to‘sib qo‘yish haqida sud ko‘rsatmasini oldilar. “Folya di San-Paulu” gazetasining ma'lum qilishicha, qaror mahalliy vaqt bilan 17 dekabr soat 00:00 dan bajarilishi kerak.
Buning sabablari rasman aytilmagan. Biroq Braziliya OAVlari ma'lumotlariga ko‘ra, sud qarori mobil dastur egalarining Braziliya huquq-tartibot muassasalari bilan bir jinoiy ishni tergov qilishda hamkorlik qilishdan bosh tortganlari sababli chiqarilgan.
Fevralda ham shunday voqea Piaui shtatida yuz bergandi, o‘shanda mahalliy sud hakamlaridan biri WhatsApp’ni butun Braziliya bo‘yicha to‘sib qo‘yish hukmini chiqargandi. O‘shanda bu qaror dastur egalariga bosim o‘tkazish va ulardan balog‘atga yetmaganlarga tajovuz qilish bo‘yicha gumon qilinayotganlar haqida shaxsiy ma'lumotlarni taqdim qilishga erishish maqsadida qabul qilingan. Ushbu qaror Braziliya telekommunikatsion kompaniyalari shikoyatidan keyin bekor qilingandi.