Putin jurnalistlarga “yillik hisobot”ni o‘n birinchi marta taqdim etadi

Bugun, 17 dekabr kuni, Rossiya prezidenti Vladimir Putin jurnalistlarni o‘n birinchi marta katta matbuot anjumaniga to‘plab, ularga o‘n birinchi marta “yil hisoboti”ni o‘qib eshittiradi. Xalqaro savdo markazida o‘tadigan anjumanning vaqti cheklanmagan, deb xabar beradi TASS agentligi.

Ushbu tadbir uchun akkreditatsiyadan o‘tgan jurnalistlar soni yangi rekord bo‘ldi: OAVning jami 1392 vakili unda ishtirok etadi. Putinning 2001 yildagi birinchi matbuot anjumanida 500 jurnalist ishtirok etgan edi. Keyingi yillar ko‘rsatkichlari quyidagichadir: 2002-2003 – 700dan ortiq, 2004 – 750ga yaqin, 2007 – 1132, 2008 – 1364, 2013 – 1327, 2014 – 1259.

Shu bilan birga, Putinning matbuot kotibi Dmitriy Peskov bir qancha odam akkreditatsiyadan o‘ta olmaganini tan oldi.

“1392 kishi akkreditatsiyadan o‘tkazildi, bir nechta jurnalistlar darhaqiqat akkreditatsiyadan o‘ta olmadi, ammo barcha nashrlar akkreditatsiya qilindi”, - dedi u.