AQSh Davlat departamenti: Vena jarayoni Bashar Asad taqdiri bo‘yicha kelishmovchiliklar sababli muhim

AQSh Davlat departamenti matbuot xizmati boshlig‘i Jon Kirbi matbuot anjumanda Suriyani qo‘llab-quvvatlovchi xalqaro guruh a'zolari o‘rtasida Suriya prezidenti Bashar Asad taqdiri bo‘yicha hozircha kelishuv yo‘qligini aytdi, deb xabar bermoqda TASS axborot agentligi. 

“Guruh ichida Asadning kelajagi borasida kelishmovchiliklar saqlanib qolmoqda, bu borada hech kim bahslashmayapti. Shu sababli Vena jarayoni muhim”, deb aytdi Kirbi.

Kirbining aytishicha, barcha kelishuvlarga erishish uchun “yana ko‘p ish qilish kerak”, jumladan Asadning taqdiri bo‘yicha bir to‘xtamga kelish lozim. U nafaqat Asadning hokimiyat tepasida qanday uzoq vaqt qolishi, balki kim sifatida qolishi ham muhimligini ta'kidlab o‘tdi.