AQSh Rossiyani Suriyadagi harbiy strategiyani almashtirishga chaqirdi

AQSh Rossiyaning Suriyada IShIDga qarshi kurash olib borayotganini qo‘llab-quvvatlashi mumkin, ammo buning uchun Moskva u yerdagi strategiyasini o‘zgartirishi lozim. Bu haqda doimiy brifing chog‘ida Oq uy matbuot kotibi Josh Ernest jurnalistlarga ma'lum qildi.

Uning so‘zlariga qaraganda, Vashington Suriyada siyosiy o‘tish davrini boshlashni yoqlab chiqmoqda. Rossiya o‘z faoliyatini, asosan, prezident Asadni qo‘llab-quvvatlashga qaratayotgani esa bunga to‘sqinlik qilmoqda.

“Rossiyaning harbiy harakatlari IShID jangarilari emas, Asad rejimiga qarshi kurashayotgan odamlar to‘plangan hududlarga to‘g‘ri kelmoqda. Bu AQShning ham, koalitsiyaning qolgan 65 davlatining ham siyosatiga, qarashlari va ustuvor maqsadlariga muvofiq kelmaydi”, - ta'kidladi mansabdor.