Putin: Rossiya Asad va AQSh bilan ishlaganda “dumini likillatmaydi”

Rossiya prezidenti Vladimir Putin Moskva Suriya ixtilofini bartaraf qilish masalasida ham Suriya prezidenti Bashar Asad, ham AQSh rahbari Barak Obama bilan oson ishlayotganini ta'kidlab o‘tdi. U Rossiya “dumini likillatmayotganini” va pozitsiyasini o‘zgartirmayotganini ta'kidlab o‘tdi.

“Suriya inqiroziga to‘xtalsak. Biz ham prezident Asad bilan, ham AQSh bilan ishlashda qiynalmayapmiz. Nega oson? Biz dumimizni likillatmaymiz va pozitsiyamizni o‘zgartirmaymiz”, - dedi u “Rossiya 1” telekanali orqali ko‘rsatilgan “Jahon tartibi” hujjatli filmida.

Putin Rossiyaning Suriya bo‘yicha pozitsiyasi aniqligi va o‘zgarmasligini e'tirof etdi.