Rossiya Xalqaro valyuta jamg‘armasining 10 ta yetakchi a'zosi orasiga kiritiladi

Xalqaro valyuta jamg‘armasidagi islohotlar natijalariga ko‘ra, Rossiya XVJning 10 ta yetakchi a'zosi orasiga kiritiladi. Bu haqda XVJ rahbari Kristin Lagard ma'lum qildi.

“Bu islohotlarning tasdiqlanishi XVJning global moliyaviy barqarorlikni qo‘llab-quvvatlovchi institut sifatidagi rolining mustahkamlanishiga ko‘mak beruvchi uzoq kutilgan va muhim qadam bo‘ldi. Islohotlar XVJning asosiy zaxiralarini ancha oshiradi, bu esa bizga inqirozlarga samaraliroq javob berishga hamda XVJ boshqaruvini yaxshilashga imkon beradi”, deb aytilmoqda Lagardning xabarida.

Endilikda to‘rtta rivojlanayotgan davlat, ya'ni Braziliya, Xitoy, Hindiston va Rossiya XVJning 10 ta yetakchi a'zosi qatoriga kirdi. Unga, shuningdek, AQSh, Yaponiya, Fransiya, Germaniya, Italiya va Buyuk Britaniya ham kiradi.