Toshkentda samarqandlik talabani aldab pulini olib qo‘ymoqchi bo‘lgan kirakashlar qo‘lga olindi, deb xabar beradi “Ogoh” nashri.
Aytilishicha, Ismatulla ismli shaxs tanishi Mustafoni Spark rusumli avtomobiliga o‘tkizib, kira ishlab yurgan. Bir kuni ularning yo‘lidan yoshroq yigit chiqib qolib, manzilgacha eltib qo‘yishni so‘ragan, yukxonaga sumkasini solgan. Yigitning asli samarqandlik ekanligi, kasb-hunar kollejida o‘qishini bilgan tanishlar uning pullariga ega chiqishga qaror qilishgan.
Bir muddat o‘tib, Mustafo manziliga yetib kelganini aytib, tushib qolgan, yukxonadan yukimni olay, qabilida gapirib, aslida talabaning sumkasini olgan. Sumkaning ichida 1.1 mln so‘m borligi aniqlangan. Mustafo pullarin olib, sumkani joyiga qo‘ygan.
Bir muddatdan so‘ng talaba ham manziliga yetib kelib, tushgan, ammo sumkasida pullari yo‘qligini aniqlagan. Ismatulla Mustafoni tanimasligini aytishiga qaramay, undan shubhalangan talaba tegishli idoralarga arz qilgan. Natijada kirakashlarning aldovi fosh bo‘lib, ular javobgarlikka tortilgan.