Xodorkovskiy Buyuk Britaniyada siyosiy boshpana so‘ramoqchi

YuKOS kompaniyasining sobiq rahbari Mixail Xodorkovskiy Buyuk Britaniyada siyosiy boshpana so‘rashni rejalashtirayotganini ma'lum qildi, deb xabar bermoqda britan OAVlari. 

Uning aytishicha, bu yuz berishi mumkin bo‘lgan variantlardan biridir.
Avvalroq Moskvaning Basman sudi Xodorkovskiyni hibsga olishga ruxsat berganini tasdiqladi.

Tergov ma'lumotlariga ko‘ra, Xodorkovskiy o‘zining qo‘l ostidagi Nevzlin va Pichuginga Nefteyugansk meri Petuxov va tadbirkor Ribinni yo‘q qilishga buyruq bergan, chunki ularning faoliyati YuKOS manfaatlariga zid kelgan. Ma'lumotlarga ko‘ra, Petuxov YuKOSdan davlatdan yashirgan soliqlarni to‘lashni talab qilgan, Ribin esa kompaniya tomonidan yetkazilgan zararni qoplash bo‘yicha bir nechta da'volarning tashabbuschisi bo‘lgan.