2015 yil 25 dekabr kuni soat 1100da Jizzax tibbiyot kollejining majlislar zalida O‘zbekiston «Milliy tiklanish» demokratik partiyasi Jizzax shahar partiya tashkiloti tomonidan «O‘zbek teatri-o‘zbek xalqining boy tarixi, milliy qadriyatlar, urf-odat va an'analarining targ‘ibotchisi» loyihasi doirasida davra suhbati o‘tkazildi.
Unda O‘zMTDP viloyat partiya tashkiloti xodimlari, shahar partiya tashkiloti raisi va yetakchi mutaxassisi, Jizzax tibbiyot kolleji o‘qituvchi va o‘quvchilari hamda ommaviy axborot vositalari vakillari ishtirok etishdi.
Davra suhbatini O‘zMTDP Jizzax shahar partiya tashkilotining Jizzax tibbiyot kolleji boshlang‘ich partiya tashkiloti raisi Dilfuza Hamzayeva olib bordi.
Dastlab, Jizzax shahar partiya tashkiloti raisi Nigora Muxtarova yig‘ilganlarga partiyaning maqsad va vazifalari xususida batafsil ma'lumotlar berib o‘tdi.
Shundan so‘ng, O‘zMTDP Jizzax viloyat partiya tashkiloti Ijroya Qo‘mitasi devoni Jamoatchilik bilan aloqalar va OAV bilan ishlash bo‘yicha yetakchi mutaxassisi Akmal Binokulov mavzu yuzasidan ishtirokchilariga ma'ruza o‘qidi.
"Qachonki milliy madaniyatimizning uzviy qismi bo‘lgan teatr san'ati xususida so‘z borar ekan, buyuk ma'rifatparvar Mahmudxo‘ja Behbudiyning "Teatr – bu ibratxonadur”, deb aytgan fikrini eslash o‘rinlidir”, deb yoziladi prezidentimiz I.Karimovning "Yuksak ma'naviyat – yengilmas kuch” asarida.
Darhaqiqat, teatr jamiyatchilikni rivojlanishi va insonlarning ma'naviy jihatdan boyishida muhim omil bo‘lib xizmat qiladi.
Hozirda yurtimizning har bitta viloyatida teatrlar faoliyat ko‘rsatmoqda. Xususan, viloyatimiz markazidagi Yunis Rajabiy nomidagi viloyat musiqali drama teatri mamlakatimizga bir necha taniqli sahna nomoyondalarini yetishtirib bergan.
Bugungi tadbirni o‘tkazishdan aosiy maqsad ham O‘zbekiston “Milliy tiklanish” demokratik partiyasi mamlakatimizda milliy urf-odatlar hamda qadriyatlarni asrab-avaylash va targ‘ib qilishda asosiy e'tiborni yoshlarga qaratilganligi hamda teatrlardagi tomoshalar orqali millatning madaniyatini ochib berish ko‘zda tutilgan.