Panasonic Xitoyda elektromobillar uchun akkumulyatorlar ishlab chiqarishni yo‘lga qo‘yadi

Yaponiyaning Panasonic kompaniyasi 2017 yilda Xitoyda elektromobil va gibridlar uchun akkumulyatorlar ishlab chiqaruvchi zavodini ochadi, deya yozmoqda Nikkei Asian Review.

Loyiha qiymati 50 mlrd yyen ($412 mln) bo‘lib, xitoylik sheriklar bilan Lyaonin provinsiyasida ishga tushiriladi. Zavodda yiliga 200 mingtagacha avtomobil uchun akkumulyatorlar ishlab chiqarish rejalashtirilgan.

Qayd etilishicha, Panasonic litiy-ionli batareyalar ishlab chiqarish bo‘yicha dunyodagi yetakchi kompaniyalardan bo‘lib, jahon bozoridagi talabning 45,7 foizini qondiradi. Bundan tashqari, yapon kompaniyasi Tesla Motors`ning asosiy hamkorlaridan hisoblanadi.