Uch yil muqaddam oshqozon saratoni ustidan g‘alabaga erishgan 96 yoshli britaniyalik ayol o‘zining 91 yoshli sevgilisiga turmushga chiqadi. Keksa juftlik 2016 yilning 16 yanvar kuni turmush qurishni rejalashtirgan, deya xabar bermoqda Metro nashri.
Bill Griffits va Flo Marshelsey 10 yildan buyon uchrashib yurishadi, biroq faqatgina endi turmush qurishga qaror qilishdi. 96 yoshli kelinning fikricha, to‘yda o‘ynash uning uchun kechlik qilmaydi. “Yoshing nechida, o‘zingni qanday his etmoqdasan? Jismoniy jihatdan yoshdirman, biroq ruhiy jihatdan kuchim ko‘p”, - dedi u.
Nashrning qayd etishicha, juftlikning tanishganlariga 30 yildan oshgan. Birinchi marta ular 1982 yilda klubda uchrashishgan. Flo o‘sha vaqtda turmush o‘rtog‘ini yo‘qotgan edi. Billning ham xotini vafot etgan bo‘lgan.