Shanxay hamkorlik tashkiloti Eronning tashkilotga a'zo bo‘lish arizasini undan BMT sanksiyalari olinishi bilanoq ko‘rib chiqadi, deb aytdi “Izvestiya” gazetasiga bergan intervyusida ShHT bosh kotibi Dmitriy Mezentsev.
“ShHT shakllantirilishining birinchi bosqichida BMT xavfsizlik kengashi sanksiyalari ostida bo‘lgan davlatlar tashkilotning to‘laqonli a'zosi bo‘la olmasligi shartlari qo‘yilgan edi”, deb aytdi Mezentsev va tashkilot Eronga sanksiyalar olingandan keyin barcha zaruriy huquqiy jarayonlar iloji boricha tezroq amalga oshirilishi uchun yadroviy dasturi bo‘yicha ishning oxirigacha to‘liq yakunlanishida muvaffaqiyat tilab qolishini qo‘shimcha qildi.
Mezentsev bu jarayon amalga oshgandan keyin tashkilot Eronning tashkilotning to‘laqonli a'zosi bo‘lish uchun bergan arizasini kechiktirmasdanoq ko‘rib chiqishga qaytishiga ishonchi komilligini aytdi.
Mezentsev yaqin orada Hindiston va Pokiston ShHT a'zolariga aylanishlarini ta'kidlab o‘tdi.