"Manchester Yunayted" bosh murabbiyi Lui van Gaal APLning 19-turida "Chelsi"ga qarshi kechgan uchrashuvdan (0:0) keyin bergan intervyusida o‘z lavozimini tark etish haqida o‘ylamayotganini bildirib o‘tdi.
"Mening iste'fo berish ehtimolim haqida so‘rayapsizmi? Men uchun kelajagim haqidagi suhbat umuman qiziqarli mavzu emas. Axir, men kelajakka ta'sir qila olmayman. Men faqat o‘z futbolchilarim bilan ishlashim mumkin, o‘zingiz ko‘rdingizku, ular men uchun jangavor o‘yin o‘tkazishdi.
Hatto shunday natijadan so‘ng ham muxlislar meni olqishlashdi. Shu sababli tashvishdaman, deb ayta olmayman. Futbolchilarimga to‘la ishonaman.
O‘z ixtiyorim bilan iste'foga chiqamanmi? Aksincha... Futbolchilar bu qadar og‘ir bosim ostida ham shunchalik yaxshi o‘yin ko‘rsatar ekan, iste'foga chiqishim uchun hech qanday sabab yo‘q. Balki OAV shuni istayotgandir, ammo men ketmayman. Bu orqali o‘z o‘rnimga yopishib olayotganim yo‘q, buni shartnoma shartlarini bajarish deb hisoblash kerak", degan gollandiyalik murabbiy Mirror nashriga.