O‘zbekiston Respublikasi Prezidentining «2016 yil uchun asosiy makroiqtisodiy ko‘rsatkichlar prognozi va O‘zbekiston Respublikasi davlat byudjyeti parametrlari to‘g‘risida»gi qaroriga muvofiq, Davlat maxsus maktabgacha ta'lim muassasalari to‘g‘risidagi nizomga o‘zgartirishlar kiritildi. Bu haqda «Norma.uz» xabar bermoqda.
Joriy etilgan o‘zgartirishlarga muvofiq, maxsus maktabgacha ta'lim muassasasi tarbiyalanuvchilarini parvarishlash va ularni o‘qitish uchun to‘lov endilikda ota-onalar yoki ular o‘rnini bosuvchi shaxslardan undiriladi.
Faqatgina jismoniy yoki aqliy rivojlanishida ma'lum kamchiliklari bo‘lgan bolalar uchun to‘lov undirilmaydigan bo‘ldi.
Nizomga ko‘ra, maxsus maktabgacha ta'lim muassasasi tarbiyalanuvchilarining davlat byudjyeti mablag‘lari evaziga oziq-ovqat bilan ta'minlanishi ham bekor qilinadi.