Iroqning Ar-Ramadi shahrida portlash yuz berib, 16 kishi halok bo‘ldi

Iroq harbiylari tomonidan o‘tgan haftada IShID qo‘lidan ozod qilingan Ar-Ramadi shahrida portlash yuz berishi natijasida 16 kishi halok bo‘lgan. Bu haqda "Sinxua" axborot agentligi xabar tarqatmoqda.

Portlash shaharning aynan qaysi tumanida sodir etilgani haqida ma'lumot yo‘q. Shuningdek, bu terakt tufayli qancha kishi jarohatlangani haqida aniq xabar berilmagan.

Iroq armiyasi 27 dekabr kuni Ar-Ramadi markaziga bayroq o‘rnatib, 2014 yil yozidan beri jangarilar qo‘lida bo‘lgan shaharni ozod etgani haqida e'lon qilgandi. Bu shahar markazi bo‘lgan Anbar viloyati gubernatori Suheyb ar-Ravi shaharning 80 foizida nazorat o‘rnatilgani, qolgan qismida jangarilar aholidan "tirik qalqon" sifatida foydalangan holda taslim bo‘lmay turgani haqida ma'lum qilgan.

Shuningdek, AQSh Davlat kotibi Jon Kerri Ar-Ramadi shahrining bir qismi hali ham IShID qo‘lida qolayotgani haqida aytgan.

Iroq armiyasi Ramadini jangarilardan to‘la ozod qilib, shaharga bayroq o‘rnatdi

Kerri: Ramadi shahrining bir qismi hali ham IShID qo‘lida qolmoqda