Iroq bosh vaziri Saudiyada shialar rahnamosi qatl etilganini qoraladi

Iroq bosh vaziri Haydar al-Abadiy Saudiya Arabistoni shialar yetakchisi Nimr an-Nimrni mamlakatda tartibsizliklar keltirib chiqarishda ayblab, qatl etganiga nisbatan o‘z munosabatini bildirdi.

2 yanvar kuni Saudiya Arabistoni Ichki ishlar vazirligi terrorizm bilan shug‘ullanganlik va uni rag‘batlantirishda ayblangan 47 kishiga chiqarilgan o‘lim hukmi ijro etilgani haqida e'lon qildi. Qatlga buyurilganlar orasida "Al-Qoida" tashkilotining Saudiya Arabistonidagi bo‘limi yetakchisi Faris az-Zaxrani hamda shialar yo‘lboshchisi Nimr an-Nimr nomlari bor.

Al-Abadiy bu xabarni eshitganida "shokka tushgani" haqida aytgan va muxoliflarni zaiflashtirish uchun bunday yo‘l tutilmasligi kerakligini ta'kidlagan.

"Inson huquqlari buzilishi o‘z ortidan salbiy asoratlarni, hududda navbatdagi noroziliklar boshlanishi va jamiyat xavfsizligi hamda beqarorligi yuzaga kelishiga olib keladi", deb yozgan vazir o‘zining feysbukdagi sahifasida.

Din targ‘ibotchisi shayx Nimr an-Nimr Saudiya Arabistoni hukumati tomonidan 2012 yilda mamlakat sharqida o‘tkazilgan norozilik namoyishida qo‘lga olingan edi. 2014 yilda u mamlakatda tarqoqlik, qirolga bo‘ysunmaslik va terrorchilik tashkiloti tuzganlikda ayblanib o‘lim jazosiga mahkum qilingan edi.

Saudiya Arabistonida 47 kishi terrorizmda ayblanib, qatl etildi

Eron imomning qatl etilishi sababli Saudiya Arabistoniga noroziligini bildirdi

Tehronda namoyishchilar Saudiya Arabistoni elchixonasi binosini yoqib yuborishdi

BMT bosh kotibi Saudiya Arabistonida 47 kishining qatl etilishini qoraladi

Suriyalik vazir Saudiya Arabistonida 47 kishining qatl etilishini qoralab chiqdi

Bahraynda an-Nimrning qatliga norozilik bildirib chiqqanlarga ko‘zni yoshlantiruvchi gaz qo‘llandi