Meksikada Temisko shahri meri o‘z lavozimiga o‘tirgandan keyin bir kun o‘tib o‘ldirib ketildi

Meksikaning Temisko shahri meri Gisela Mota o‘z lavozimiga o‘tirgandan keyin bir kun o‘tib o‘ldirib ketildi, deb xabar bermoqda mahalliy OAVga iqtibos keltirgan holda RIA “Novosti” axborot agentligi.

Xabarda aytilishicha, Mota 2016 yilning 1 yanvar kuni o‘z majburiyatlarini rasman bajarishni boshlagan, 2 yanvarda esa o‘ldirib ketilgan.

Voqea tafsilotlari aniqlashtirilmoqda. OAVlarda aytilishicha, merning kvartirasiga 4 nafar qurollangan noma'lum erkak hujum qilgan. Dastlabki ma'lumotlarga ko‘ra, qotillik jinoiy guruhlarning faoliyati bilan bog‘langan.

Voqea joyida tergovchilar ishlamoqda.