Rafael Benites: Biz bu o‘yinni yutishimiz ham, yutqazishimiz ham mumkin edi

"Real" jamoasi bosh murabbiyi Rafael Benites Ispaniya chempionatining 18-turida "Valensiya"ga qarshi o‘tgan uchrashuvdan keyin (2:2) jurnalistlarning savollariga javob berdi.

"Biz yaxshi o‘ynadik. Jamoa o‘yinning 35 daqiqasida o‘yinni nazorat qildi. Ikkinchi bo‘lim qiyin bo‘ldi, ammo biz yaxshi ishladik.

Shundan so‘ng kamchilik bo‘lib qoldik, biz katta kuch sarflashimiz kerak edi, shunday qildik ham. Bu o‘yinda g‘alaba qozonishimiz ham, yutqazishimiz ham mumkin edi.

Nazoratni yo‘qotgan 10 daqiqamiz qolgan harakatlarimizni yo‘qqa chiqarmasligi kerak. O‘tkazib yuborilgan goldan so‘ng hisobda oldinga chiqib olish uchun hamma narsa qildik.

Mening kelajagim? Mish-mishlarga qarshi hech narsa qila olmayman. Men oldimizga qo‘yilgan vazifalarni bajarish uchun jamoani oldinga boshlashim kerak. Bugun g‘alabani juda xohlagan edik, ammo uch ochko ololmadik", - deydi Benites.