Suriya bo‘yicha BMT maxsus elchisi ar-Riyod va Tehronda maslahatlashuv o‘tkazadi

BMTning Suriya bo‘yicha maxsus elchisi Staffan de Mistura yaqin kunlarda Suriya masalasida Eron va Saudiya Arabistoni munosabatlarini yomonlashuvini tahlil qilib chiqadi. Bu haqda jurnalistlarga BMT Bosh kotibi rasmiy vakili Stefan Dyujarrik ma'lum qilgan. Uning so‘zlariga ko‘ra, aynan shu masala yuzasidan emissar ar-Riyod va Tehronda maslahatlashuv o‘tkazadi.

"Maxsus elchi o‘zining tashrifi davomida Saudiya Arabistoni va Eronning Suriya masalasida Vena kelishuvi bo‘yicha olib borayotgan jarayonlarini tahlil qiladi. De Mistura Saudiya va Eron o‘rtasidagi ziddiyat juda yomon oqibatlarga olib keladi, deb hisoblaydi", - dedi Dyujarrik.

Eslatib o‘tamiz, 3 yanvar kuni ar-Riyod Eron bilan diplomatik aloqalarini uzganligini ma'lum qildi.