“Rossiya 1” telekanali prodyuseri muxlisi tomonidan kaltaklandi

“Rossiya 1” telekanali prodyuseri Yuliya Bondaryova muxlisi va eski tanishi Denis F. tomonidan beayov kaltaklandi.

Aytilishicha, Yuliya singlisi bilan birga Yessentukiga komandirovkaga borgan. U yerda ular Denisning uyida to‘xtashgan. 38 yoshli erkak ilgari bir necha bor Yuliyaga turmush qurishni taklif qilgan, ammo har safar rad javobini olgan. Bu safar ham u o‘zini g‘alati tuta boshlagan, shu bois ayollar 4 yanvardan 5 yanvarga o‘tar kechasi uning uyidan ketishga qaror qilishgan.

Qurbonning singlisi Oksana Bondaryovaning hikoya qilishicha, ularning ketish qarori haqida eshitgan erkak Yuliyaga tashlanib, kiyimlarini yirtib tashlagan, yerga yiqitgan va tepkilay boshlagan. Oksana opasini tashqariga olib chiqib ketishga muvaffaq bo‘lgan, so‘ng politsiya va tez yordamga qo‘ng‘iroq qilgan.

 Yuliya uch kundan buyon shahar shifoxonasida yotgani aytilmoqda. Unga bir nechta plastik operatsiya va hatto bosh suyagi trepanatsiyasi talab qilinishi mumkin. Denis shifoxonaga kelib, opa-singillari arizalarini qaytarib olishlari uchun 130 ming rubl taklif qilgan. Keyinroq u politsiya tomonidan qo‘lga olingan va aybiga iqror bo‘lgan.